سئوگیلیم،
سانیرام
چاپار چالماسی ایدی
سنسیز باشقا من
کیملی‌ییمی
بو یئنی چاغدا
ایتیرمیش می؟
اودوزموش مو؟
یوْخسا دۆزولوب دۆزن‌لر...!
سن باخاندا گؤزلرین
بۆیوموش سوْلموش دیلك‌لریمى،
جانلاندیرار
قانیرام
قیرخ ایللیك تۇندن
باش قوْوزایبب گؤرسه‌نیر
سنسیز،
آیمازلیق یوخوسو
بۆکر آرتیق
قوْی
گؤزلرین آتاشیندان،
یانیم
دوْداق‌لارین دادیندان،
دادبم
سؤزلرین کؤکوندن،
آلیم
بنه‌یین یووارلاغی یوْرماسین منی
سوْنسوز دئوریم‌لرده
تکجه بزه‌ک اوْلای ایدی...
گل فلسفه‌نی
گیزلین دینج یئرده
سیندیراق بئلینی بیر کره ده
غزالی کیمین
گلن‌لردن
موللا صدرا دۆشونجه‌لرین
پۆشگونده اوْلمالی دیر
قوْرخما،
یوْخ اوْلان بیر چاغدا
وار اۆره‌ک آلانی دیر
سنده
سندن باشقا
یوْخ قایغی
دینله،
دالمیشام
دۆزگون دالماقدا
سؤزجوک‌لر ایتیب-باتار
سوسقونلوق قوْنار یئرینه
بؤیله قانیرام
سوسقونلوقدا یاشاییش
دئییل اؤنملى یارار
آنجاق
یاشامین ان گره‌یی دیر،
سئوگیلیم ...
(بختیار فرّخ)
نوع مطلب :
برچسب ها :
شعر ترکی عاشقانه، شعر ترکی ، شعر، بختیار فرخ، عاشقانه ترکی، متن ترکی عاشقانه،
لینک های مرتبط :
