بیز اؤلمایان یئر
گَل اَل-اله توتوب گِئدگ،
گِئدگ بیز اولمایان یئره .
هر دردی اونودوب گِئدگ
دردیمیز اولمایان یئره.
بورادان قوپاق اؤزوموز،
بو قیریشان اوزوموز
بو کؤهنه لن سؤزوموز
گِئدگ سؤز اولمایان یئره.
بیر کیمسه توتماسین خبر،
گل، چیخیب گِئدگ بیر تَهَر
بو ائو ، بو کوچه ، بو شَهَر ،
بو دنیز اولمایان یئره.
...آتام اوغلو ، آز چابالا ،
سَن دئین چتین تاپیلا ،
بو رامیزی کیم آپارا
بو رامیز اولمایان یئره. ؟!
رامیز روؤشن
ارسالی از دوستان
نوع مطلب :
برچسب ها :
بو ائو، بو کوچه، بو شَهَر، آتام اوغلو، آز چابالا، بیز اؤلمایان یئر،
لینک های مرتبط :
